الكتابة مفتاح العقل والقراءة محتواه

الانسان يستقبل ويرسل طوال الوقت .. يستقبل ويرسل الطاقات والافكار والنوايا..
يستقبلها من الوعي العام ( الجمعي) والوعي المحيط( الطاقات المحيطه) ممكن فكره تبتعد عنك ملايين الكيلو مترات ، ممكن واحد بالبرازيل قد يدزلك طاقته – هناك عشرات الطرق تمنع بها استقبال وحجز الطاقات السلبيه منها التي علمها لنا رسول الله مثل ( بسم الله الذي لايضر مع اسمه شيئ في الارض ولا في السماء وهو السميع العليم) ٣ مرات تعمل لك تحصين، ممكن تكون طاقة عين او حسد او طاقة دعاء ( دعاء سلبي)
– كل شخص يدعو بدعاء سلبي سوف ترد عليه طاقة الدعاء.
دام انك اطلقت الطاقة سوف تعود عليك بغض النظر اذا كان يستحق الدعاء اولا..
ممكن توصله وممكن لا ..
ممكن انه لا يستحق الدعاء
مثال: يوجد بالبلد وايد سرقات هناك شركات تأتي بالعماله من الخارج ولا يعطونهم اجور..
والله العظيم والله العظيم حرام عليك ال قاعد تسويه بالبلد ، تجيب عماله ولا تعطيهم اجورهم اكيد بيسرقون ، يسرقون البواليع والماكينات والحديد.. انا كنت حاط ماكينه بجانب البيت، سُرقت الماكينه، الحين ماكينه باربعين ولا خمسين دينار تسوى اقعد ادعو عليهم !! هو مايستحق الدعاء ..او واحد ضرك تدعو عليه بالموت!!! هو لايستحق الموت
خلك منتبه مو بكيفك تدز طاقات سلبيه، لا تقعد تدعو على البشر وتدز طاقات👊👊
في واحد وين ما اروح اسوي له بلوك بفيس بوك بتوتير لان له مشكله مع شخص ظلمه ووين مايروح يقعد يتكلم عليه! دائما يلف على الناس ويدز لهم مسجات في كل مكان ، ياخي روح شوف حياتك، هناك عظماء انظلموا علبالك انت محور الكون!! افتح صفحه جديده لاتقعد تطنن وتبكي😭.
واحد بالشارع لف عليك تنزل من السياره وتصكه طراق ولا تفل عليه ولا تدعم سيارته انت شنو خليت حق الامور الكبيره؟؟؟!!!
* نحن امه متماديه في ردات الفعل!
الاسرائليين عندهم الامور سهله يفسدون ولا يصلحون ، يقعدون يقولون يالله وين ودكم تخربطون؟ خلنا نسوي لهم فيلم اخذوا ٥ مليون دولار وسووا فلم يسئ لمحمد
وقامت الدنيا وشوف ردات الفعل !؟ انا للحين مافكيت الشفره شكو حرق السفاره الالمانيه بالسودان بفلم الرسول!!؟؟؟
والله لو يشوف الفلم واحد معادي للاسلام والله مايقتنع!!؟؟ شنو هالخرابيط؟؟
والله ما ماكلن تعاطف ولا نشر هالافلام .. مافي احد اساء للرسول مثل حملات الا رسول الله ، فداك ابي وامي يارسول الله ، فداك يلرسول الله ..
كثيرون شتموا الرسول عليه السلام ولكننا لم نسمع شيئ من الشعر ال قالوه .. الصحابه ابدا لم ينشروا ماقاله المسيؤون..
فقط وصلت لنا الاشعار الجميله مدح الرسول ..هكذا هم الصحابه
عجزوا الكفار وهم يسبون الرسول ولكن احد ما التفت لهم ..
هناك مليون مسلم متطوع ينشرون الاساءه، ماستوعبون هذه الفكره، اي واحد بتل ابيب يهد الامه الاسلاميه كلها..
كل يوم انتم تهينون الرسول، تهينون منهجه وسنته واخلاقه ، لاتلبسون ولاتتكلمون ولا تطبقون سنته..
عندما جاء رسل مسيلمه الكذاب الى الرسول عليه السلام لم يقتلهم ولم يضربهم – مايقتلون الرسل ( السفراء) فمن قتل معاهدا لايدخل الجنه ولا يشم ريحها .. حتى الخادمه في بيتك هي معاهده ..
انتم وييييييييين وتطبيق السنه وييين ؟؟!!!!
تلخيص
لينا وليد